Dekhe, Shauk Naya Kya Gul Khilata Hai....

'Jo Bhi Mai,

Kehna Chahu,

Barbaad Kare,

Lafz Mere....'

Kehne k liye bahut kuch hai, batane k liye bahut kuch hai, is dil me Jazbaat k toofaano ki baatein hi kuch alag hai. Par fir bhi har baat keh pana mumkin nahi. Har armaan roobaroo kisi ko batana mumkin nahi. Par likhna shayad mumkin hai.

Khud ko, khud k jazbaato ko jaahir karne ka is se achha aur koi tareeka nahi.

Waqt lagta hai shabdo ko pirone me par lafz mere kaagzo par zyada khoobsoorat dikhte hai. Kuch apne se, dil k kareeb lagte hai. Jab kisi kaagaz par mere haath kuch likhte hai, dil apne aap gungunaane lagta hai. Dil ki baatein kisi keyboard ki keys par meri ungliyo ko kisi anjaani par madhur dhun par thirkaane lagti hai. Na jaane dil aur dimaag ka ye kaunsa connection hai. Par jo bhi hai, achha hai. Pyara aur sukoo bhara hai. Pyar, mohabbat, gam, gussa, dukh, josh, aur na jaane kitne emotions sahi shabdo me dhalkar kuch lajawaab se ban jaate hai. Kabhi galat to kabhi sahi ho jaate hai. Par kisi na kisi ko choo lete hai. Sochne par, kuch kar gujarne ko majboor kar dete hai.

Maine pehle bhi bahut kuch likha hai aur aage bhi likhta rahunga. Khud ki hi baatein padhkar shaayad zindgi k dhundhle aaine me khudko dhunda karoonga. Na jaane kitni baato k panne zindgi ki daud bhaag me gum ho gaye. Ab un sabko chupke se dil k kisi kone me khoja karoonga. Har pal badalti hai har insaan ki zindgi. Ab apne aas paas ki har baat mere alfaazo k rango me ranga karoonga. Zindgi k kayi raaz is dil k saat taalo me chupa rakhi hai. Baate kayi aajtak bas khud ko hi bata rakhi hai.

Dekhte hai, ye naya shauk kya gul khilata hai.

Achha ya bura,

Kya kuch naya meri zindgi me laata hai...?